Nigah-e-saqi-e-namaharaban ye kya jane
ki tut jate hain Khud dil ke sath paimane

Mili jab unase nazar bas raha tha ek jahan
hati nigah to charon taraf the virane

Hayat lagzishe-paiham ka nam hai saqi
labon se jam laga bhi sakuN Khuda jane

Vo tak rahe the hamin hans ke pi gae ansu
vo sun rahe the hamin kah sake na afasane

Ye ag aur nahin dil ki ag hai nadan
chirag ho ke na ho jal bujhenge paravane

Fareb-e-saqi-e-mahafil na puchhiye "Majrooh"
sharab ek hai badale hue hain paimane
Do you Like this story..?

Get Free Email Updates Daily!

Follow us!