Follow Us

Home » Bahadur Shah Zafar
khulta nahi hai haal kisi par kahe bagair by Bahadur Shah Zafar


khulta nahi hai haal kisi par kahe bagair..
par diil ki jaan lete hai dilbar kahe bagair…

main kyun kar kahun tum aao kii dill ki kashish se wo…
aayenge daude aap mere ghar kahe bagairr…

kya tab kya majaal hamaari ki bosaa lain..
lab ko tumhare lab se milakar kahe bagairr…

bedard too sune na sune leke dard-e-dil..
rahta nahi hai ashiq-e-muztar kahe bagairr…

taqdir ke siwa nahi milta kahi se bhii…
dil wata ai “Zafar” hai muqaddar kahe bagairr…!!

Under: , , , , , , , , , , , ,
Hamane duniya mein aake kya dekha… by Bahadur Shah Zafar

Hamane duniya mein aake kya dekha…
Dekha jo kuch so khwab-sa dekha…
Hai to insan khak ka putala…
Leke pani ka bul-bula dekha…
Khub dekha jahan ke khuban ko…
Ek tujh sa na dusara dekha…
Ek dam par hawa na band habab…
Dam ko dam bhar mein yaa hawa dekha…
Na huye teri khak-e-pa ham ne…
Khak mein ap ko mila dekha…
Ab na dije "zafar" kisi ko dil..
Ki jise dekha bewafa dekha…

Under:
Na Kisi Ki Aankh Ka Noor Hun, Na Kisi Ke Dil Ka Qarar Hun.. by Bahadur Shah Zafar


Na Kisi Ki Aankh Ka Noor Hun, Na Kisi Ke Dil Ka Qarar Hun.
Jo Kisi Ke Kaam Na Aa Sake Main Woh Ek Musht-e-Ghubaar Hun..

Na To Main Kisi Ka Habeeb Hun, Na To Main Kisi Ka Raqeeb Hun.
Jo Bigad Gaya Woh Naseeb Hun, Jo Ujad Gaya Woh Dayaar Hun..

Mera Rang Roop Bigad Gaya, Mera Yaar Muhjse Bichad Gaya.
Jo Chaman Khizaan Mein Ujad Gaya, Main Usi Ki Fasl-e-Bahaar Hun..

Pay- Faatiha Koyi Aaye Kyun, Koyi Chaar Phool Chadaye Kyun..
Koyi Aake Shama Jalaye Kyun, Main Woh Be-Kasi Ka Mazaar Hun..

Main Kahaan Rahoon Main Kahan Basoon, Na Yeh Mujhse Khush Na Woh Mujhse Khush..

Main Zameen Ki Peeth Ka Bojh Hun, Main Falak Ke Dil Ka Ghubaar Hun..
Na Kisi Ki Aankh Ka Noor Hun, Na Kisi Ke Dil Ka Qarar Hun..
Jo Kisi Ke Kaam Na Aa Sake Main Woh Ek Musht-e-Ghubaar Hun..!!!!

Under:
Lagata nahin hai ji mera ujade dayaar mein by Bahadur Shah Zafar 


lagata nahin hai ji mera ujade dayaar mein 
kis ki bani hai aalam-e-naa_paayedaar mein 

kah do in hasaraton se kahin aur jaa basen 
itani jagah kahan hai dil-e-daaG_daar mein 

umr-e-daraaz maang kar laye the char din 
do arazu mein kaT gaye do intazaar mein 

kitana hai bad_nasib "Zafar" dafn ke liye 
do gaz zamin bhi na mili kuu-e-yaar mein...

Under:
Dil ki meri beqarari mujh se kuch pucho nahin by Bahadur Shah Zafar


Dil ki meri beqarari mujh se kuch pucho nahin
shab ki meri ah-o-zari mujh se kuch pucho nahin

Bar-e-gam se mujh pe roz-e-hijr mein ik ik ghari
kya kahun hai kaisi bhari mujh se kuch pucho nahin

Meri surat hi se bas malum kar lo ham-damo
tum haqiqat meri sari mujh se kuch pucho nahin

Sham se ta-subah jo bistar pe tum bin rat ko
main ne ki akhtar-shumari mujh se kuch pucho nahin

Ai "Zafar" jo hal hai mera karunga gar bayan
hogi un ki sharm-sari mujh se kuch pucho nahin

Under:

Submit Your Poem