Follow Us

Home » kavita
Humne kab kaha tha ki zindagi hume gale laga le by Supriya Sood

Humne kab kaha tha ki zindagi hume gale laga le..
Hum to khush they apni viraanio main..

Do pal ki khushi di, aur mud gayi humse...
Ab kya kahe apni tanhaayio se...

Rooth gaye they ashko se..
kaha ab na tumhe gale lagayenge..

Aaj ashk bhi humse khafa hai..
Zahir kya kare apni viraanio se..!!




            submitted by 
                    Supriya Sood

Under: , , , , , , , , ,
pothi padh padh kar jag mua, pandit bhayo na koy by Kabir

pothi padh padh kar jag mua, pandit bhayo na koy..
dhai aakhar prem ke, jo padhe so pandit hoye..!!

dukh me simran sab kare, sukh me kare na koy..
jo sukh me simran kare, tau dukh kahe ko hoy..!!

Under: , , , , ,
kabira khara bazar me, mange sabki khair by Kabir

kabira khara bazar me, mange sabki khair..
na kahu se dosti,na kahu se bair..!!

Under: , , , , ,
bada hua to kya hua, jaise ped khajoor by Kabir

bada hua to kya hua, jaise ped khajoor..
panthi ko chhaya nahi, phal laage atidur..!!

jaise til me tel hai, jyon chakmak me aag..
tera sayeen tujh me hai, tu jaag sake to jag..!!

Under: , , , , ,
dhire dhire re mana, dheere sab kutch hoye by Kabir

dhire dhire re mana, dheere sab kutch hoye..
mali seenche so ghara, ritu aaye phal hoye..!!

sayiin itna dijiye, ja me kutumb samay..
main bhi bhookha na rahun, sadhu na bhookha jay..!!

Under: , , , , ,
kal kare so aaj kar,aaj kare so ab by Kabir

kal kare so aaj kar,aaj kare so ab..
pal me pralaya hoyegi, bahuri karoge kab..!!

aisi wani boliye, muh ka aapa khoye..
apna tan sheetal kare, auran ko sukh hoye..!!

Under: , , , , ,

Submit Your Poem