tumhein udas sa paata hun main kai din se 

na jane kaun se sadme utha rahi ho tum 

wo shokhiyan, wo tabssum, wo kah-kahe na rahe 

har ek chiz ko hasrat se dekhti ho tum 

chhupa chhupa ke Khamoshi mein apani bechaini 

Khud apne raaz ki taashir ban gyi ho tum 

meri ummid agar mit gyi to mitne do 

ummid kya hai bas ek pas-o-pesh hai kuchh bhi nahin 

merii hayaat kii Ghumginion ka Ghum na karo 

Ghum hayaat-e-Ghum ek naqsh hai kuchh bhi nahin 

tum apne husn ki ranaaiyon par raham karo 

wafaa fareb tul havas hai kuchh bhi nahin 

mujhe tumhare tagaful se kyun shikaayat ho 

meri fana meer ehsaas ka taqaaza hai 

main janta hu ke duniya ka Khauf hai tum ko 

mujhe Khabar hai ye duniya ajib duniya hai 

yahan hayaat ke parde mein maut chalti hai 

shikst saaz ki aawaaz mein ru nagma hai 

mujhe tumhari judai ka koi ranj nahin 

mere Khyal ki duniya mein mere paas ho tum 

ye tum ne thik kaha hai tumhein mila na karu 

magar mujhe bta do ki kyun udas ho tum 

hafa na ho meri jurrat-e-takhtab par 

tumhein Khabar hai meri zindagi ki aas ho tum 

mera to kuchh bhi nahin hai main ro ke ji lunga 

magar Khuda ke liye tum asir-e-ghum na raho 

hua hi kya jo zamaane ne tum ko chhin liya 

yahaan par kaun hua hai kisi ka socho to 

mujhe kasam hai meri dukh bhari jawani ki 

main khush hun meri mohabbat ke phul thukra do 

main apni ruh ki har ek Khushi mita lunga 

magar tumhari masarrat mita nahin sakta 

main Khud ko maut ke hathon mein saunp sakta hun 

magar ye bar-e-musaib utha nahin sakta 

tumhare ghum ke siwa aur bhi to ghum hain mujhe 

nijat jin se main ek lehza pa nahin sakta 

ye unche unche makano ki deva diyon ke tale 

har kaam pe bhukhe bhikariyon ki sada 

har ek ghar mein aflaas aur bhukh ka shor 

har ek simt ye insaniyat ki aah-o-buka 

ye karkhano mein lohe ka shor-o-gul jis mein 

hai dafn lakhoin Garibo ki ruuh ka nagma 

ye sharahon pe rangeen sadion ki jhalak 

ye jhopadiyo men Garibon ke be-kafan lashein 

ye maal road pe karon ki rail pail kaa shor 

ye patriyon pe Garibon ke zard_ru bachtche 

gali gali mein bikte huye jawan chehre 

haseen aankhon mein afsurdgi si chhai hui 

ye jung aur ye mere vatan ke shokh javaan 

kharidi jati hain uthati javaniyan jinki 

ye baat baat pe kanuun aur zabte kii giraft 

ye zisq ye Ghulami ye daur-e-majaburi 

ye Ghum hain bahoot meri zindagi mitaane ko 

udaas rah ke mere dil ko aur ranj na do... 

Lab pe pabandi nahi ehsaas pe pahra to hai

phir bhi ahal-e-dil ko ahavaal-e-bashar kahna to hai

Apni Gairat bech Dalein apna masalaq chhod dein

rah_numaon mein bhi kuchh logon ko ye mansha to hai

Hai jinhein sab se zyada dava-e-hub-e-vatan

aaj un ki vajah se hub-e-vatan rusava to hai

Bujh rahe hain ek ek kar ke akidon ke diye

is andhere ka bhi lekin samna karna to hai

Jhuth kyu bolein farog-e-maslahat ke naam par

Zindagi pyari sahi lekin hamein marna to hai...

lagata nahin hai ji mera ujade dayaar mein 
kis ki bani hai aalam-e-naa_paayedaar mein 

kah do in hasaraton se kahin aur jaa basen 
itani jagah kahan hai dil-e-daaG_daar mein 

umr-e-daraaz maang kar laye the char din 
do arazu mein kaT gaye do intazaar mein 

kitana hai bad_nasib "Zafar" dafn ke liye 
do gaz zamin bhi na mili kuu-e-yaar mein... 

Kya ummid kare ham un se jin ko vafaa maalum nahin 
Gam denaa maalum hai lekin Gam ki davaa malum nahin 

Jin ki gali men umr ganvaa di jivan bhar hairaan rahe 
paas bhi aake paas na aaye jaan ke bhi anjaan rahe 
kaun si aaKhir ki thi hamane aisi Khataa maalum nahin 

Ai mere paagal armaanon jhuThe bandhan tod bhi do 
ai meri zakhmi ummidon dil ka daaman chhod bhi do 
tum ko abhi is nagari men jeene ki saza maalum nahin. 

Dhup hai kyaa aur saayaa kyaa hai ab maaluum huaa 
ye sab khel tamaashaa kyaa hai ab maaluum huaa 

hanste phul ka chehara dekhun aur bhar aai aankh 
apane saath ye qissaa kya hai ab malum hua 

ham barason ke baad bhi un ko ab tak bhul na paaye 
dil se un ka rishta kya hai ab maalum hua 

sahara sahara pyase bhaTake saari umr jale 
badal ka ik Tukda kya hai ab maalum hua.. 

mere baad kidhar jaayegi tanhai 
main jo mara to mar jaayegi tanhaai 

main jab ro ro ke dariyaa ban jaaunga 
us din paar utar jaayegi tanhaai 

tanhaa_ii ko ghar se ruKhsat kar to do 
socho kis ke ghar jaayegii tanhaai 

virana hun abaadi se aayaa hun 
dekhegi to Dar jaayegii tanhaai 

yun aao ki paaon ki bhi aavaaz na ho 
shor huaa to mar jaayegi tanhai... 

mile kisi se nazar to samajho Gazal hui 
rahe apani Khabar to samajho Gazal hui 

milaa ke nazaron ko vo hayaa se phir 
jhukaa le koi nazar to samajho Gazal hui 

idhar machal kar unhen pukaare junun meraa 
bhadak uThe dil udhar to samajho Gazal hui 

udaas bistar kii silavaTe jab tumhen chubhen 
na so sako raat bhar to samajho Gazal hui 

vo badgumaan ho to sher sujhe na shaayari 
vo maharbaan ho 'Zafar' to samajho Gazal hui...