Azaa me bahte the aansu yahan,lahoo to nahi.. 

ye koi aur jagah hai ye lakhanow to nahi.. 

yahan to chalti hai chhuriya zubaan se pahle... 

ye mir anis ki,aatish ki guftagu to nahi.. 

Chamak rha hai jo daman pe dono firaqo ke.. 

bagaur dekho ye islam ka lahoo to nahin...!!! 

Ab tum agoshe tasabbur me bhi aaya na karo.. 

mujh se bikhre huye gesu nahin dekhe jate.. 

surkh aankho ki qasam kanpati palako ki qasam.. 

thar thrate huye aansu nahin dekhe jate... 

ab tum agoshe tasabbur me bhi aaya na karo.. 

chhut jane do jo damane wafa chhuut gaya.. 

kyun ye lagazida kharami ye pasheman nazari.. 

tum ne toda nahi rishtae dil tut gya.. 

ab tum agoshe tasabbur me bhi aaya na karo.. 

meri aahon se ye rukhsar na kumla jaye.. 

dhundati hogi tumhe ras me nahai hui raat.. 

jao kaliyan na kahin sej ki murjha jaye.. 

Ab tum agoshe tasabbur me bhi aaya na karo... 

mein is ujade huye pahlu me bitha lun na kahin.. 

labe shirin ka namak aarize namakin ki mithas... 

apne tarse huye honthon me chura lun na kahin...!!! 

Rooh bechain hai ikk dil ki aziyat kya hai..

dil hi shola hai to ye soz-e-mohabbat kya hai..

wo mujhe bhul gai iski shikayat kya hai..

ranj to ye hai ke ro ro ke bhulaya hoga...

wo kahan aur kahan kahif-e-gam sozishe jan..

us ki rangin nazar aur nuqushe hirman..

us ka ehsase latif aur shikaste arman...

tanazan ek zamana nazar aya hoga...

jhuk gai hogi jawan sal umango ki jabin..

miit gai hogi lalak dub gaya hoga yaqin...

chha gya hoga dhuan ghum gai hogi zamin...

apne phale hi ghronde ko jo dhaya hoga...

dil ne aise bhi kuch afsane sunaye honge..

ashk aankho ne piye aur na bahaye honge..

band kamre me jo khat mere jalaye honge...

ek ik harf jabin par ubhar aaya hoga..

us ne ghabrake nazar lakh bachai hogi..

mitake ik naqsh ne sau shaql dikhai hogi...

mez se jab meri tasvir hatai hogi..

har taraf mujh ko tadpta hua paya hoga..

bemahal chhed pe jazbat ubal aye honge..

gam pasheman tabassum me dhal aye honge..

naam par mere jab ansu nikal aaye honge..

sar na kandhe se sahali ke uthaya hoga..

zulf zeed kar ke kisi ne jo banai hogi...

Ruthe jalwo pe khizan aur bhi chhai hogi..

barq ashwon ne kai diin na girai hogi...

rang chehare pe kai roz na aaya hoga…

hoke majbur mujhe us ne bhulaya hoga...

zahar chup kar ke dawa jan ke khaya hoga..!!!

ikk yahi soz-e-nihan kul mera sarmaya hai..

dosto mai kise ye soz-e-nihan nazar karu...

koi qatil sare maqtal nazar aata hi nahi..

kis ko dil nazar karun aur kise jaan nazar karu..

tum bhi mahabub mere tum bhi ho dildar mere..

ashna mujh se magar tum bhi nahi tum bhi nahi..

khatam hai tum pe masiha nafasi charagari..

mehram-e-darde jigar tum bhi nahi tum bhi nahi...

apani lash aap uthana koi asan nahi..

dast o bazu mere nakara hue jate hai..

jiin se har daur me chamaki hai tumhari dahliz..

aaj sajde wahi awara hue jate hai...

dur manzil thi magar aisi bhi kuchh dur na thi..

leke phirti rahi raste hi me wahashat mujh ko..

ekk zakhm aisa na khaya ke bahar aa jati..

dar tak leke gya shauq-e-shahadat mujh ko...

Rah me toot gye panw to malum hua..

juz mere aur mera rahnuma koi nahi..

ek ke bad khuda ek chala aata tha..

kah diya aql ne tang aake 'khuda koi nahi'..!!!