Follow Us

Home »
Lagata nahin hai ji mera ujade dayaar mein by Bahadur Shah Zafar 


lagata nahin hai ji mera ujade dayaar mein 
kis ki bani hai aalam-e-naa_paayedaar mein 

kah do in hasaraton se kahin aur jaa basen 
itani jagah kahan hai dil-e-daaG_daar mein 

umr-e-daraaz maang kar laye the char din 
do arazu mein kaT gaye do intazaar mein 

kitana hai bad_nasib "Zafar" dafn ke liye 
do gaz zamin bhi na mili kuu-e-yaar mein...

Under:
Dil ki meri beqarari mujh se kuch pucho nahin by Bahadur Shah Zafar


Dil ki meri beqarari mujh se kuch pucho nahin
shab ki meri ah-o-zari mujh se kuch pucho nahin

Bar-e-gam se mujh pe roz-e-hijr mein ik ik ghari
kya kahun hai kaisi bhari mujh se kuch pucho nahin

Meri surat hi se bas malum kar lo ham-damo
tum haqiqat meri sari mujh se kuch pucho nahin

Sham se ta-subah jo bistar pe tum bin rat ko
main ne ki akhtar-shumari mujh se kuch pucho nahin

Ai "Zafar" jo hal hai mera karunga gar bayan
hogi un ki sharm-sari mujh se kuch pucho nahin

Under:
Kya ummid kare ham un se jin ko vafaa maalum nahin by Zafar Gorakhpuri 


Kya ummid kare ham un se jin ko vafaa maalum nahin 
Gam denaa maalum hai lekin Gam ki davaa malum nahin 

Jin ki gali men umr ganvaa di jivan bhar hairaan rahe 
paas bhi aake paas na aaye jaan ke bhi anjaan rahe 
kaun si aaKhir ki thi hamane aisi Khataa maalum nahin 

Ai mere paagal armaanon jhuThe bandhan tod bhi do 
ai meri zakhmi ummidon dil ka daaman chhod bhi do 
tum ko abhi is nagari men jeene ki saza maalum nahin.

Under:
Dhup hai kyaa aur saayaa kyaa hai ab maaluum huaa by Zafar Gorakhpuri 


Dhup hai kyaa aur saayaa kyaa hai ab maaluum huaa 
ye sab khel tamaashaa kyaa hai ab maaluum huaa 

hanste phul ka chehara dekhun aur bhar aai aankh 
apane saath ye qissaa kya hai ab malum hua 

ham barason ke baad bhi un ko ab tak bhul na paaye 
dil se un ka rishta kya hai ab maalum hua 

sahara sahara pyase bhaTake saari umr jale 
badal ka ik Tukda kya hai ab maalum hua..

Under:
mere baad kidhar jaayegi tanhai by Zafar Gorakhpuri 


mere baad kidhar jaayegi tanhai 
main jo mara to mar jaayegi tanhaai 

main jab ro ro ke dariyaa ban jaaunga 
us din paar utar jaayegi tanhaai 

tanhaa_ii ko ghar se ruKhsat kar to do 
socho kis ke ghar jaayegii tanhaai 

virana hun abaadi se aayaa hun 
dekhegi to Dar jaayegii tanhaai 

yun aao ki paaon ki bhi aavaaz na ho 
shor huaa to mar jaayegi tanhai...

Under:
mile kisi se nazar to samajho Gazal hui by Zafar Gorakhpuri 

mile kisi se nazar to samajho Gazal hui 
rahe apani Khabar to samajho Gazal hui 

milaa ke nazaron ko vo hayaa se phir 
jhukaa le koi nazar to samajho Gazal hui 

idhar machal kar unhen pukaare junun meraa 
bhadak uThe dil udhar to samajho Gazal hui 

udaas bistar kii silavaTe jab tumhen chubhen 
na so sako raat bhar to samajho Gazal hui 

vo badgumaan ho to sher sujhe na shaayari 
vo maharbaan ho 'Zafar' to samajho Gazal hui...

Under:
kabhi ai haqiqat-e-muntazir nazar a libas-e-majaz mein by Allama Iqbal

kabhi ai haqiqat-e-muntazir nazar a libas-e-majaz mein
k hazaron sajde tarap rahe hain teri jabin-e-niyaz mein
tarab ashna-e-kharosh ho tu nawa hai mahram-e-gosh ho
wo surur kya k chaya hua ho sukut-e-parda-o-saz mein
tu bacha bacha k na rakh ise tera aina hai wo aina
k shikasta ho to aziz tar hai nigah-e-aina-saz mein
dam-e-tauf kar mak-e-shamma na ye kaha ke wo asr-e-kohan
na teri hikayat-e-soz mein na meri hadis-e-gudaz mein
na kahin jahan mein aman mili jo aman mili to kahan mili
mere jurm-e-khanakharab ko tere azo-e-banda-nawaz mein
na wo ishq mein rahin garmiyan na wo husn mein rahin shokhiyan
na wo gaznawi mein tarap rahi na wo kham hai zulf-e-ayaz mein
jo main sar-ba-sajda kabhi hua to zamin se ane lagi sada
tera dil to hai sanam-ashana tujhe kya milega namaz mein

Under:
tere ishq ki intaha chahta hun by Allama Iqbal

tere ishq ki intaha chahta hun
meri sadgi dekh kya chahta hun
sitam ho k ho wada-e-behijabi
koi bat sabr-azma chahta hun
ye jannat mubarak rahe zahidon ko
k main ap ka samna chahta hun
koi dam ka mehman hun ai ahl-e-mahfil
chirag-e-sahar hun, bujha chahta hun
bhari bazm mein raz ki bat kah di
bara be-adab hun, saza chahta hun

Under:
tu abhi rahguzar mein hai qaid-e-makam se guzar by Allama Iqbal

tu abhi rahguzar mein hai qaid-e-makam se guzar
misr-o-hijaz se guzar, paires-o-sham se guzar
jis ka amal hai be-garaz, us ki jaza kuch aur hai
hur-o-khayam se guzar, bada-o-jam se guzar
garche hai dilkusha bahot husn-e-firang ki bahar
tayarek buland bal dana-o-dam se guzar
koh shigaf teri zarab tujhse kushad sharq-o-garab
teze-hilahal ki tarah aish-o-nayam se guzar
tera imam be-huzur, teri namaz be-surur
aisi namaz se guzar, 
aise imam smumkin hai ke tu jisako samajhata hai baharan e guzar

Under:
Utho meri dunya k garibon ko jaga do by Allama Iqbal

Utho meri dunya k garibon ko jaga do
khak-e-umra k dar-o-diwar hila do
garmao gulamon ka lahu soz-e-yaqin se
kunjishk-e-phiromaya ko shahin se lara do
sultani-e-jamahur ka ata hai zamana
jo naqsh-e-kuhan tum ko nazar aye mita do
jis khet se dahqan ko mayassar nahin rozi
us khet k har khosha-e-gandum ko jala do
kyon khaliq-o-makhluq mein hayal rahen parde
piran-e-kalisa ko kalisa se hata do
main nakhush-o-bezar hun marmar k silon se
mere liye mitti ka haram aur bana do
tahazib-e-nawin kargah-e-shishagaran hai
adab-e-junun shayr-e-mashriq ko sikha do

Under:
Miljul Ke Mohabaat Ke Din Aise Guzaarungi Ki by Shaista Sana

Miljul Ke Mohabaat Ke Din Aise Guzaarungi Ki
Wo Mujhko Sawarega Main Usko Swarungi
Ho Laakh Hawa Dushman Is Baar Patang Apni
Jis Chat Pe Wo Keh Dega Us Chat Pe Utaarungi
Pardes Chale Ho Tum Lekin Zara Socho To
Din Kaise Bitaungi Shab Kaise Guzarungi
Allah Madad Teri Mere Liye Kaafi Hai
Main Aur Kahin Jaakar Daaman Na Pasaarungi
Hai Naam Sana Mera Deewani Tumhari Hoon
Koyal Ki Tarah Tumko Din Raat Pukarungi

Under:
Jab Apni Aag Me Ehsaas Jalne Lagta Hai by Shaista Sana

Jab Apni Aag Me Ehsaas Jalne Lagta Hai
Yeh Aag Wo Hai Ke Paththar Pighalne Lagta Hai

Akele Ghar Main Jo Bete Ki Yaad Aati Hai
To Maa Ki Aankho Se Zam Zam Nikalne Lagta Hai

Under:
Khatm-E-Shor-E-Tufaan Tha Door Thi Siyaahi Bhi by Majrooh Sultanpuri

Khatm-E-Shor-E-Tufaan Tha Door Thi Siyaahi Bhi
Dam Ke Dam Main Afsaana Thi Meri Tabaahi Bhi
Iltafaat Samjhun Ya Berukhi Kahu Is Ko
Rah Gai Khalish Ban Kar Uski Kamnigaahi Bhi
Yaad Kar Wo Din Jis Din Teri Sakhtgiri Par
Ashk Bhar Ke Uthi Thi Meri Begunaahi Bhi
Shama Bhi Ujala Bhi Main Hi Apni Mahfil Ka
Main Hi Apni Manzil Ka Rahbar Bhi Raahi Bhi
Gumbadon Se Palti Hai Apni Hi Sada “Majrooh”
Masjidon Main Ki Jaake Maine Daadakhvaahi Bhi

Under:
Ham ko junun kya sikhalate ho ham the pareshan tumase ziyada by Majrooh Sultanpuri

Ham ko junun kya sikhalate ho ham the pareshan tumase ziyada
chak kiye hain hamane azizon char gareban tumase ziyada
Chak-e-jigar muhataj-e-rafu hai aj to daman sirf lahu hai
ek mausam tha ham ko raha hai shauq-e-baharan tumase ziyada
Jao tum apani bam ki Khatir sari laven shamon ki katar lo
zakhmon ke mahar-o-mah salamat jashn-e-chiragan tumase ziyada
Ham bhi hamesha qatl hue and tum ne bhi dekha dur se lekin
ye na samajhe hamako hua hai jan ka nukasan tumase ziyada
Zanjir-o-divar hi dekhi tumane to "Majrooh" magar ham
kucha-kucha dekh rahe hain alanm-e-zindan tumase ziyada 


Under:
Mujhe sahal ho gain manzilen vo hawa ke rukh bhi badal gaye by Majrooh Sultanpuri

Mujhe sahal ho gain manzilen vo hawa ke rukh bhi badal gaye 
Tera hath hath mein a gaya ke chirag rah mein jal gaye

Wo lajaye mere saval par ke utha sake na jhuka ke sar 
Udi zulf chehare pe is tarah ke shabon ke raz machal gaye

Wahi bat jo vo na kar sake mere sher-o-nagma mein a gai
Wahi lab na main jinhen chhu saka qadah-e-sharab mein Dhal gaye

Unhen kab ke ras bhi a chuke teri bazm-e-naz ke hadase
ab uthe ke teri nazar phire jo gire the gir ke sanbhal gaye

Mere kam a gain akhirash yahi kavishen yahi garadishen
badahin is qadar meri manzilen ke qadam ke Khar nikal gaye.

Under:
Nigah-e-saqi-e-namaharaban ye kya jane by Majrooh Sultanpuri

Nigah-e-saqi-e-namaharaban ye kya jane
ki tut jate hain Khud dil ke sath paimane

Mili jab unase nazar bas raha tha ek jahan
hati nigah to charon taraf the virane

Hayat lagzishe-paiham ka nam hai saqi
labon se jam laga bhi sakuN Khuda jane

Vo tak rahe the hamin hans ke pi gae ansu
vo sun rahe the hamin kah sake na afasane

Ye ag aur nahin dil ki ag hai nadan
chirag ho ke na ho jal bujhenge paravane

Fareb-e-saqi-e-mahafil na puchhiye "Majrooh"
sharab ek hai badale hue hain paimane

Under:
koi nai zameen ho nayaa aasamaan bhi ho by Firaq Gorakhpuri 

koi nai zameen ho nayaa aasamaan bhi ho
ai dil ab us ke paas chalein vo jahaan bhi ho

afsurdagii-e-ishq mein soz-e-nihaan bhi ho
yaani bujhe dilon se kuchh uthtaa dhuaan bhi ho

is darjaa iKhtilaat aur itani mugayarat
tu mere aur apne kabhi darmiyaan bhi ho

ham apne Gam_gusaar-e-muhabbat na ho sake
tum to hamaare haal pe kuchh mehar_baan bhi ho

bazm-e-tasavurrat mein ai dost yaad aa
is mahafil-e-nishaat mein Gam kaa samaan bhi ho

mahabuub vo ki sar se qadam tak Khuluus ho
aashiq vahi ki husn se kuchh bad_gumaan bhi ho

Under:
Mujhko maara hai har ek dard-o-davaa se pahle by Firaq Gorakhpuri 

mujhko maara hai har ek dard-o-davaa se pahle 
dii sazaa ishq ne har jurm-o-Khataa se pahle 

aatish-e-ishq bha.Dakatii hai havaa se pahle 
honth jalate hain muhabbat me dua se pahle 

ab kamii kyaa hai tere be-sar-o-saamano ko 
kuchh na thaa terii qasam, tark-o-fanaa se pahle 

ishq-e-bebaak ko daave the bahut Khalavat mein 
kho diya saara bharam sharm-o-hayaa se pahle 

maut ke naam se Darte the ham, ai shauq-e-hayaat 
tune to maar hii Daala thaa qazaa se pahle 

ham unhein paake "Firaq" aur bhi kuchh khoye gaye 
ye takalluf to na the ahad-e-vafaa se pahle.....

Under:
Aman Ki Asha- Amitabh Bachchan

Dikhayi dete hain door tak ab bhi saaye koi
Magar bulane se waqt laute na aaye koi
Chalo na phir se bichaye dariya, bajaye dholak
Laga ke mehndi, surile tappe sunaye koi
Patang udaye, udaye ..
Patang udaye, chatton pe chadke mohalle wale
Falak to sanja hai, uss mein paiche ladaye koi
Utho, utho kabaddi kabaddi khelenge sarhadon par
Jo aaye ab the to laut kar phir na jaaye koi
Nazar mein rehte ho, jab tum nazar nahi aate
Ye sur milate hain, jab tum idhar nahi aate
Nazar mein rehte ho, jab tum nazar nahi aate
Ye sur bhulate hain, ye sur bhulate hain
Jab tum idhar nahi aate
Ye sur milate hain, jab tum idhar nahi aate 


Under:
यात्रा और यात्री -- हरिवंश राय बच्चन

साँस चलती है तुझे
         चलना पड़ेगा ही मुसाफिर!

चल रहा है तारकों का
दल गगन में गीत गाता,
चल रहा आकाश भी है
शून्य में भ्रमता-भ्रमाता,
                 पाँव के नीचे पड़ी
                 अचला नहीं, यह चंचला है,
एक कण भी, एक क्षण भी
एक थल पर टिक न पाता,
                 शक्तियाँ गति की तुझे
                 सब ओर से घेरे हुए है;
                 स्थान से अपने तुझे
                 टलना पड़ेगा ही, मुसाफिर!
         साँस चलती है तुझे
         चलना पड़ेगा ही मुसाफिर!

थे जहाँ पर गर्त पैरों
को ज़माना ही पड़ा था,
पत्थरों से पाँव के
छाले छिलाना ही पड़ा था,
                 घास मखमल-सी जहाँ थी
                 मन गया था लोट सहसा,
थी घनी छाया जहाँ पर
तन जुड़ाना ही पड़ा था,
                 पग परीक्षा, पग प्रलोभन
                 ज़ोर-कमज़ोरी भरा तू
                 इस तरफ डटना उधर
                 ढलना पड़ेगा ही, मुसाफिर;
         साँस चलती है तुझे
         चलना पड़ेगा ही मुसाफिर!

शूल कुछ ऐसे, पगो में
चेतना की स्फूर्ति भरते,
तेज़ चलने को विवश
करते, हमेशा जबकि गड़ते,
                 शुक्रिया उनका कि वे
                 पथ को रहे प्रेरक बनाए,
किन्तु कुछ ऐसे कि रुकने
के लिए मजबूर करते,
                 और जो उत्साह का
                 देते कलेजा चीर, ऐसे
                 कंटकों का दल तुझे
                 दलना पड़ेगा ही, मुसाफिर;
         साँस चलती है तुझे
         चलना पड़ेगा ही मुसाफिर!

सूर्य ने हँसना भुलाया,
चंद्रमा ने मुस्कुराना,
और भूली यामिनी भी
तारिकाओं को जगाना,
                 एक झोंके ने बुझाया
                 हाथ का भी दीप लेकिन
मत बना इसको पथिक तू
बैठ जाने का बहाना,
                 एक कोने में हृदय के
                 आग तेरे जग रही है,
                 देखने को मग तुझे
                 जलना पड़ेगा ही, मुसाफिर;
         साँस चलती है तुझे
         चलना पड़ेगा ही मुसाफिर!

वह कठिन पथ और कब
उसकी मुसीबत भूलती है,
साँस उसकी याद करके
भी अभी तक फूलती है;
                 यह मनुज की वीरता है
                 या कि उसकी बेहयाई,
साथ ही आशा सुखों का
स्वप्न लेकर झूलती है
                 सत्य सुधियाँ, झूठ शायद
                 स्वप्न, पर चलना अगर है,
                 झूठ से सच को तुझे
                 छलना पड़ेगा ही, मुसाफिर;
         साँस चलती है तुझे
         चलना पड़ेगा ही मुसाफिर!

Under:

Submit Your Poem